影片
更多
2022-10-02
706 瀏覽
今次嚟到上環，見到有間餃子舖頭，好似幾掂。就一於入去試一試，啱啱開舖嘅關係，唔需要等位。西洋菜湯餃 4.5/5佢嘅賣點係花膠熬製而成嘅湯，但係就比較淡味，餃子隻隻大粒又飽滿，皮薄餡靚，見到入邊嘅西洋菜，西洋菜清甜，仲有馬蹄粒嘅爽脆，豬肉反而唔係好夠多，但係都冇阻享受美味餃子嘅時間，都真係好好食。鮮蝦菠菜湯餃 4/5同一樣嘅湯底，餃子同樣地又係隻隻飽滿，鮮蝦爽口彈牙，配合濃濃嘅菠菜香味，根本就係食唔停。煎韭菜餃 3/5比較多油，成張吸油紙都係油，但係都煎得夠香，韭菜又係香味四射。地點:上環站近濟公廟嗰度，要啲時間先至行到去餐廳，上環就比較多樓梯又比較多斜路，相對比較遠啲，睇地圖都識行嘅。環境:咁啱幢大廈外牆維修，就有啲棚架遮住個窗口。入邊都寬闊嘅，唔會同隔籬位坐得太近，入邊仲播啲香港本土嘅音樂。價錢:五個幾一隻餃子，比起九龍深水埗食就貴啲，但係佢啲餃子都比較大隻又充料，都仲可以接受，埋單每人$80。服務:收錢就暫時收現金或者Payme。
西洋菜湯餃 4.5/5
佢嘅賣點係花膠熬製而成嘅湯，但係就比較淡味，餃子隻隻大粒又飽滿，皮薄餡靚，見到入邊嘅西洋菜，西洋菜清甜，仲有馬蹄粒嘅爽脆，豬肉反而唔係好夠多，但係都冇阻享受美味餃子嘅時間，都真係好好食。
鮮蝦菠菜湯餃 4/5
同一樣嘅湯底，餃子同樣地又係隻隻飽滿，鮮蝦爽口彈牙，配合濃濃嘅菠菜香味，根本就係食唔停。
煎韭菜餃 3/5
比較多油，成張吸油紙都係油，但係都煎得夠香，韭菜又係香味四射。
地點:
上環站近濟公廟嗰度，要啲時間先至行到去餐廳，上環就比較多樓梯又比較多斜路，相對比較遠啲，睇地圖都識行嘅。
環境:
咁啱幢大廈外牆維修，就有啲棚架遮住個窗口。入邊都寬闊嘅，唔會同隔籬位坐得太近，入邊仲播啲香港本土嘅音樂。
價錢:
五個幾一隻餃子，比起九龍深水埗食就貴啲，但係佢啲餃子都比較大隻又充料，都仲可以接受，埋單每人$80。
服務:
收錢就暫時收現金或者Payme。
張貼
