夢の丼 (已結業)

喺一個春雨綿綿的時刻，有一間溫暖小店等著你，而且還有啲高質美食等緊你，喺暫時去唔到日本的情況下，呢個不失為一個好好的安慰吧。/等我介紹吓以下美食吧，呢個"花錦魚生丼"有好多料，三文魚，白身魚，赤蝦，右口魚邊，金蟹子，三文魚子，櫻花蝦，蟹膏豆腐，青瓜，甜蛋，玉子漬，松葉蟹，蜆肉。所有嘢裝滿成個碗，慢慢咁品嚐，太喜歡蟹膏豆腐的質感和味道，於是加咗份，又白又嫩的豆腐和鮮香味美的蟹膏令人滿足。和店名同名的"夢之丼”亦唔想放過，佢又有咩料呢，咁就係有大大件的帆立貝，大大隻又鮮甜的牡丹蝦，海膽(是日沽清，店員話用葱碎拖羅代替，都ok嘅)，三文魚子，三文魚蓉，松葉蟹，右口魚邊，D料冇上邊嘅花錦丼多，但樣樣份太啲又矜貴啲，好視乎個人的選擇。除咗固定的餐之外，仲有即日推介嘅刺身，揀咗平時少食嘅間八刺身和油甘魚腩刺身，都好滋味