甜椰椰 (已結業)

叫左一份芒果芒㦸同榴槤班㦸，本來見到塊皮有啲燶有啲失望，但食落去塊皮一啲都唔鞋口，好滑！細問之下先知原來係人手整 唔係機打 所以無可能完全唔燶 見佢咁有誠意就加翻啲分啦 不得不提2份班㦸都好足料！芒果班㦸係原塊芒果切半擺入去 唔同有啲鋪頭係切粒 之後加一大堆cream整到好脹咁 當然食得出啲芒果係好靚好甜既呂宋芒 cream係好香奶味唔係死甜既cream！ 但29蚊扺唔扺就好睇個人啦至於榴槤班㦸就更加出色！入面成3分2都係貨真價實既榴槤肉壓成既榴槤蓉 超級香！！榴槤愛好者一定要食！唔知點解加埋個綠色既皮好開胃 食多幾份都仲得！