圓山飯店 (裝修中)

圓山小炒皇🥢小炒皇喺間間酒樓都會有少許變化，依度嘅小炒皇除咗有韭菜、蝦乾、魷魚依啲常見嘅配料，仲有蜆肉、銀魚仔、叉燒，韭菜翠綠而且嫰身，唔會食到有渣，整體嘅調味都非常合適，有時啲小炒皇會偏鹹，而依度嘅鮮味相對出啲唔會太重口味，就咁夾嚟食都唔錯👍蠔仔煎蛋🍳大量嘅蠔仔鋪咗喺面，見到係大大隻而且飽滿，幾乎每一啖都會有蠔肉，相當足料，煎蛋亦都加咗蔥花所以香啲，配埋個甜甜酸酸辣辣嘅汁就更開胃👌當紅炸子雞🐔依個半隻炸子雞，雞皮嘅最外層炸得好香脆，而下層仲保留一啲脂肪所以油香充足，雞肉嫩滑多汁，唔錯！皮蛋肉鬆豆腐🥢有時去酒樓食野都會叫番碗白飯送餸，而依度可以叫台式肉燥飯同台南擔仔麵，大概係一人份量，比叫白飯更加豐富好味🍚