鮨世屋

營業中

休息中

放工經過發現這間新開的外賣壽司刺身，裏面冇人買緊，但我都照入去試吓好唔好。隨意叫咗個蔥拖羅蓉手卷，原價$32，外賣有9折，折後$29，不知是否新張優惠。初時心諗唔知會唔會得好少料，以前食過有啲手卷係剩係得頂頂有料，紫菜包著的部分只有飯。點知打開之後發覺好大堆拖羅蓉，作為一個著重性價比嘅中女實在感到喜出望外😂 拖羅蓉食落品質都係唔錯嘅。等嗰時望過個凍櫃嘅刺身，覺得啲赤海蝦望落好似都唔錯，下次有機會都想試吓。