影片
更多
2021-03-27
143 瀏覽
冇得去旅行就好掛住台灣嘅美食🥺💛 今次試嘅台灣過江龍-鮮芋仙，係全球多個國家同地區都開咗分店🙈自從香港有分店之後 次次都大排長龍 可以見到佢嘅人係有幾勁😆！今次我地同朋友都等咗半個鐘先有得入去食🥺❶ 布甸Q麻糬牛奶冰 $52一到手發現超大碗🙊，起碼要三個人先食得晒！配料有細粒芋圓、Q麻糬、冬瓜凍，兩款布甸，牛奶刨冰同雲呢拿味雪糕🤩！• Q麻糬有原味同埋黑糖味，非常煙韌，同埋一啲都痴牙！特別想讚下黑糖味好濃郁，但同時又唔會好甜！• 細芋頭圓有普通芋圓同地瓜圓，個人幾鍾意咁細粒，口感好得意🤣！• 冬瓜凍相對有啲失色，唔知係咪其他食物味道太濃，所以我有少少唔知自己食緊啲咩😂事後先知原來係冬瓜味🙊不過口感介乎蒟蒻同埋啫喱中間😂！• 布甸有雞蛋布甸同埋杏仁布甸，雞蛋布甸蛋味濃郁，口感嫩滑，甜到啱啱好✨ 杏仁布甸同樣杏仁味都好出，可惜個人對杏仁味冇咩好感，不過相信如果鍾意杏仁味嘅朋友應該會覺得幾好食！• 牛奶刨冰係個人推介✨每一啖都食到淡淡的牛奶味，再配上頂層嘅黑糖漿，甜而不膩😆用相比較粗粒嘅刨冰，所以食嘅時候會咬到一粒粒😂再加上上面嘅雲呢拿雪糕輕微溶化後，令到刨冰嘅味道再多咗變化😋個人推薦嗌牛奶
冇得去旅行就好掛住台灣嘅美食🥺💛
今次試嘅台灣過江龍-鮮芋仙，係全球多個國家同地區都開咗分店🙈自從香港有分店之後 次次都大排長龍 可以見到佢嘅人係有幾勁😆！今次我地同朋友都等咗半個鐘先有得入去食🥺
❶ 布甸Q麻糬牛奶冰 $52
一到手發現超大碗🙊，起碼要三個人先食得晒！配料有細粒芋圓、Q麻糬、冬瓜凍，兩款布甸，牛奶刨冰同雲呢拿味雪糕🤩！
• Q麻糬有原味同埋黑糖味，非常煙韌，同埋一啲都痴牙！
特別想讚下黑糖味好濃郁，但同時又唔會好甜！
• 細芋頭圓有普通芋圓同地瓜圓，個人幾鍾意咁細粒，口感好得意🤣！
• 冬瓜凍相對有啲失色，唔知係咪其他食物味道太濃，所以我有少少唔知自己食緊啲咩😂事後先知原來係冬瓜味🙊不過口感介乎蒟蒻同埋啫喱中間😂！
• 布甸有雞蛋布甸同埋杏仁布甸，雞蛋布甸蛋味濃郁，口感嫩滑，甜到啱啱好✨ 杏仁布甸同樣杏仁味都好出，可惜個人對杏仁味冇咩好感，不過相信如果鍾意杏仁味嘅朋友應該會覺得幾好食！
• 牛奶刨冰係個人推介✨每一啖都食到淡淡的牛奶味，再配上頂層嘅黑糖漿，甜而不膩😆用相比較粗粒嘅刨冰，所以食嘅時候會咬到一粒粒😂再加上上面嘅雲呢拿雪糕輕微溶化後，令到刨冰嘅味道再多咗變化😋
個人推薦嗌牛奶冰🌟份量非常足 而且配料都幾出色！
❷ 芋圓4號 $45
芋圓|紅豆|珍珠 (食個時珍珠賣晒 所以轉咗白玉)
睇落大大碗，食落發現材料好足🥰上層鋪滿咗滿滿芋圓，紅豆同埋白玉。芋圓有普通芋圓同地瓜圓，普通芋圓食落會咬到少少芋頭粒🌟，地瓜圓就味道香濃，兩款都煙韌有咬口🥰！
中間就係芋頭泥，口感棉密鬆軟，芋香味超突出🤤！最底就係黑糖刨冰，甜度啱啱好！絕對唔係死甜，而且夠凍✨成個配搭好夾，而且有好多唔同配料，包你唔會悶🥰
❸芋圓紫米粥 $42
紫米｜紅豆｜芋圓
芋圓都係嗰兩款🤣紫米粥夠晒大碗，不過相比之下略嫌比較普通🥺佢因為係叫紫米粥，所以佢成個感覺係比較水同埋好稀🤢得好少紫米同埋西米🥴不過佢就勝在唔甜🤣
因為佢會有啲奶精可以俾你落落去🥛不過落完嘅感覺都冇咩分別🤔因為唔會有奶味同埋佢令唔到成碗野杰身返少少🤔
➍ 招牌仙草沙冰 $45
芋圓｜仙草凍｜仙草沙冰
芋圓一樣都係嗰幾款🤣仙草就好滑好濃仙草味😚入口即溶咁，好潤喉✨佢係仙草沙冰底🍧磨得夠細唔會好割口👍🏻就成碗野清清地，仲可以落啲奶精吊一吊起個味🥛如果唔係就幾dry🤔
————————————————————
總括嚟講✨佢每一碗都大大份👍🏻呢個價錢嚟講CP值都好高🌟
直程可以當正餐食🍽佢嘅芋圓的確幾出色🔥
唔似出面咁好粉，真材實料同埋有咬落有嚼勁😋唔會煮到好硬🥰岩岩好💛💛
————————————————————
張貼
