貴緣小鍋米線 (崇潔街) (已結業)

身為米線關注組成員之一，鯊仔今次決定試呢排其中一間人氣米線店——貴緣小鍋米線，網上評論特別推介螺旋藻同雞絲火山，今次就試咗螺旋藻~🍜 小酸辣小鍋米線配螺旋藻、貢丸同肥牛 $58叫咗小辣，味道先辣後酸，個人唔算好食得辣，小辣已經啱啱好，湯底越食越好食，酸同辣配搭得啱啱好，螺旋藻爽身掛汁，貢丸彈牙爽口，米線份量都大碗，整體味道唔錯。🍜 小酸辣小鍋米線配肥牛、蘿蔔同甜酸齋 $58甜酸齋唔係間間米線鋪都有，甜酸齋食落口感好軟熟，而且味道酸酸甜甜好開胃，蘿蔔入味而且煮得好稔，鯊仔強烈推介食甜酸齋同蘿蔔。🥚 皮蛋豆腐 $24豆腐口感幾滑，加上蒜香麻辣汁好惹味，皮蛋爽口，配上滑溜嘅豆腐，皮蛋切粒方便食，但如果皮蛋份量再多少少會更滿足。