鶴亀 (已結業)

最近拉麵癮起，又去咗食拉麵，今次去尖沙咀。我哋11點幾去到，做第一枱客。因為天氣太熱，我哋最後叫左沾麵。我叫左海老帆立貝沾麵（$158）。個沾麵湯味道唔錯，但重點係隻大蝦，蝦肉好爽口，又大隻又好味。帆立貝其實都好味，但同隻大蝦比就比下去了。帆立貝上面加左啲香料，好惹味。朋友叫左櫻花蝦沾麵（$93），可以見到個沾麵湯上面會都係櫻花蝦，無欺場。兩個沾麵都有三片叉燒，通常其他餐廳食都係得兩片。我哋之前睇介紹，所以叫左個章魚燒，即叫即燒一定好味，連汽水加$35。我哋食完之後就開始多人。