蟹仙海鮮蒸氣鍋 (已結業)

吃貨都知道元朗係美食嘅集中地。今日就帶住怕油膩嘅媽媽食蒸氣海鮮鍋。蟹仙老闆原來係海鮮嘅直銷商，每日精心挑選最新鮮、質素最高嘅先拎番黎呢度俾客人做蒸鍋。$298/1位 海鮮餐雖然唔係放題，但係已經好豐富！包括：澳洲青年龍蝦/黃膏大奄 2人1隻青口+蟶子皇+象拔蚌仔深海龍躉片+鮑魚海蝦 同蔬菜籃最後仲有個南瓜排骨粥食。佢地自製嘅柑桔檸檬都幾好飲，常溫唔太甜！未到繁忙時間時老闆話俾我地知，黃膏肉蟹好罕有，可能一日精挑細選都得幾十隻。黃膏肉蟹望落爆膏肥美、膏呈鮮橙色。澳洲青年龍蝦一樣色澤鮮明通透、爆膏店員會幫我地每樣食材順序放入蒸鍋，電磁爐計時唔會過火。店內採用嘅石鍋傳熱均勻，唔會收乾水份。黃膏肉蟹同龍蝦都係蒸5分鐘左右。蟹真係非常新鮮，仲要係重皮蟹！老闆娘話呢個時候嘅蟹係最肥美，肉質好鮮甜。澳洲青年龍蝦：同樣有膏、肉質鮮甜彈牙。蟶子皇同象拔蚌蒸完唔縮水，肉質非常爽口鮮甜。海蝦每人3隻，新鮮易離殻，爽口彈牙。龍躉片魚皮QQ,魚肉彈牙。鮑魚厚肉唔韌、鮮味！蔬菜好翠綠，食落又唔會太乾。排骨粥底吸收晒海鮮、蟹水嘅精華變得鹹鮮。四人同行仲送椰汁燉官燕足料唔太甜，滋潤。