喜聚坊

營業中

休息中

男朋友生日既月份食得太多西餐同party food, 呢日行經大角咀，見到呢間中菜就覺得好耐冇食，沒多想就入左去，點知有驚喜。黯然銷魂飯叉燒用上左肥瘦均勻既厚切靚梅肉配上特製頭抽，加埋新鮮蛋黃汁同埋香味十足既蔥油。呢個飯完全係平凡中的不平凡，成個飯香氣四溢，叉燒肉汁遍佈整個口腔。人蔘當歸燉竹絲湯飯呢個湯真係十分足料, 非常補身之餘仲一啲味精都冇；而同時間啲竹絲雞都好入味，充滿住個湯嘅甜味。值得一提既係，呢間餐廳由侍應到大廚，服務態度都好好，好認真同好客；臨食完既時候都埋黎問我地覺得啲野岩唔岩食，估唔到食中菜都會咁，睇得出係用心製作，值得推介！