村爺爺龍蝦湯.泡飯.燉湯專家

營業中

休息中

晚飯時間，行過呢間餐廳見到咁多人排隊，原來係食龍蝦湯泡飯專門店，咁應該係好好食吧，所以我同老公又排吓先。排左一陣間就有位，都唔係話等好耐。見到餐牌都好多嘢揀，最後我哋叫左一個小食，兩個泡飯同兩杯嘢飲。墨魚手指拼魚腐：剛炸起，熱辣辣。墨魚手指幾彈牙，魚腐外皮脆，點埋跟拼盤醬汁上嘅甜辣汁仲好食。鮑魚花膠螺頭雞煲翅：有半隻雞，除左鮑魚花膠螺頭同翅外，仲有蟲草杞子等配料，另外跟左碟菜，清清地，所有材料都入晒味，雞味濃，撈白飯真係好食。真 · 盛龍蝦湯泡飯：龍蝦最養眼，裡面係勁多海鮮架，有帶子，青口，大蜆，元貝仔同魷魚等等，係每啖入口都有。湯夠甜夠鮮味，好豐富，連湯都飲晒，呢個真係值得推介。熱情果梳打 & 菠蘿梳打：勁大杯，夠甜夠冰凍，天氣咁熱飲佢，即刻開心晒。