喜鍋 海鮮‧火鍋‧小廚 (已結業)

一入座，佢會有個配料架俾你裝自己心水配料。鮮果椰青🥥雞🐔鍋（半隻雞）$188個煲好足料，有火龍果、蘋果🍎、甘荀🥕、椰果同椰肉。半隻雞都好大碟，而且好滑同多肉。個煲越煮越甜，我一路食一路飲佢個湯底，好好飲。磯煮鮑魚 $18.8佢做緊特價，個鮑魚會切好一片片俾你，方便入口，都煮得好入味，而且口感好好。鴛鴦墨魚油炸鬼 $78佢將黑松露同蟹籽分別放係油炸鬼上，油炸鬼炸得好脆，估唔到佢係可以配同黑松露同蟹籽，幾新穎，味道唔錯。喜鍋三式滑 $128三式分別係黑松露墨魚、蟹籽蝦🦐同瑤柱墨魚🦑。三款上枱時賣相都好吸引，口感都好彈牙，個人對黑松露情有獨鍾，所以好鐘意黑松露墨魚滑，淥完之後，飲淡湯係會有黑松露味。雪花美國肥牛 $88 半份油脂分佈唔錯😋天然鴨血 $32半份鴨血係厚切，口感唔錯青檸柚子蜜 $48飲品都幾足料同埋大支，唔會太甜。間餐廳環境同服務態度都唔錯，星期一至四分享專頁仲可以有88折，性價比都幾好。