頭啖湯私家廚 (已結業)

又開學了，咁即係又要搵食啦。呢日我地無啦啦行到呢度，見到有間野咪食囉。我地叫左個二人餐，至平就係呢款餐架啦。呢個餐有兩個湯，叫左一個鹿筋湯，個湯好足料，ｄ鹿筋好多，ｄ筋似牛筋，又好多豬肉。另外個湯就係天麻魚頭，又係鬼咁多藥材，飲左個湯都飽左半成。正餐呢，就有個腐乳蒸雞飯，麻麻啦，一般味道。另外個八味豆腐，以為係八種味，一舊一種，原來唔係，一舊八種，但我唔覺有八種囉。之但係隻豆腐都幾滑幾好味，兼且ｄ服務都唔錯，我諗係老細招呼囉，所以夜晚都算幾旺。