影片
更多
2017-04-26
106 瀏覽
荃灣啲餐廳好多都已經食到厭晒。今日去咗試一間新餐廳喺荃灣新城市廣場，其實平時行開都唔覺，加上呢排呢個商場裝修緊，但我喺openrice見到幾多好評所以專登去試吓。行入去呢間餐廳，第一個感覺覺得依間餐廳係裝修幾別緻，全間店都用咗水手做主題。同埋啲員工都好有禮貌，我同朋友諗咗好耐唔知食邊個漢堡咩好，佢哋主動過嚟推介介紹鋪頭最多人食同好食嘅漢堡俾我哋。最後我就叫咗芥茉子醬牛肉漢堡，我朋友就叫左牛肉啡菇芝士漢堡，咁我哋兩個都有跟餐嘅，包左一杯野飲同沙律或者薯條。咁其實睇返佢哋個餐牌其實都有好多款漢堡，之後呢我哋仲叫咗個炸雞嘅。同埋佢哋除咗呢個餐牌枱面，仲有個細餐牌仲有幾款意粉嘅，如果啲大食嘅可以叫埋意粉添。啲嘢食上到枱第一眼望落去呢係好大件嘅同埋好足料，根本係冇可能一口咬得晒成個包，我同我朋友最後係分開一半層咁食。咁我覺得佢個薯條呢係好脆，同埋佢哋落咗啲類似椒鹽粉嘅嘢，又唔會太乾身，幾好食。之後我叫嗰個芥末牛漢堡唔差，本身我自己鍾意食多啲醬嘅漢堡，佢係幾多醬嘅所以啱我口味，但如果將濃味返少少會更好， 我自己覺得去漢堡偏淡少少。同埋佢嗰塊牛肉真係幾厚。咁我朋友嗰個啡菇牛肉漢堡我朋友就覺得都係好重
行入去呢間餐廳，第一個感覺覺得依間餐廳係裝修幾別緻，全間店都用咗水手做主題。同埋啲員工都好有禮貌，我同朋友諗咗好耐唔知食邊個漢堡咩好，佢哋主動過嚟推介介紹鋪頭最多人食同好食嘅漢堡俾我哋。
最後我就叫咗芥茉子醬牛肉漢堡，我朋友就叫左牛肉啡菇芝士漢堡，咁我哋兩個都有跟餐嘅，包左一杯野飲同沙律或者薯條。咁其實睇返佢哋個餐牌其實都有好多款漢堡，之後呢我哋仲叫咗個炸雞嘅。同埋佢哋除咗呢個餐牌枱面，仲有個細餐牌仲有幾款意粉嘅，如果啲大食嘅可以叫埋意粉添。啲嘢食上到枱第一眼望落去呢係好大件嘅同埋好足料，根本係冇可能一口咬得晒成個包，我同我朋友最後係分開一半層咁食。
咁我覺得佢個薯條呢係好脆，同埋佢哋落咗啲類似椒鹽粉嘅嘢，又唔會太乾身，幾好食。之後我叫嗰個芥末牛漢堡唔差，本身我自己鍾意食多啲醬嘅漢堡，佢係幾多醬嘅所以啱我口味，但如果將濃味返少少會更好， 我自己覺得去漢堡偏淡少少。同埋佢嗰塊牛肉真係幾厚。
咁我朋友嗰個啡菇牛肉漢堡我朋友就覺得都係好重要嘅同埋一嚟到呢塊菇真係好大舊，問我朋友夠唔夠味，佢就覺得夠嘅啱啱好，因為佢話佢本身唔鍾意食啲濃味嘅嘢。
咁之後就食埋嗰碟炸雞啦！其實因為我哋跟餐本身已經有薯條個炸雞都有，真係好多，建議如果跟餐嘅話，又會叫小食可以跟餐到簡沙律。炸雞幾脆，同埋啲皮有香草味，佢哋應該係有搵香草醃過所以啲皮幾好食，而且啲肉唔會炸到太老，幾好！
總括嚟講，呢間餐廳幾好食...啲漢堡足料大件，同埋價錢好合理，店舖裝修都有花心機，同埋員工服務態度好好，睇得出佢哋幾有心想做好間餐廳嘅！
張貼
