爺爺雞煲皇 (美景街) (已結業)

今日同成班姊妹食飯，因為大家都就腳，就去左土瓜灣「爺爺雞煲皇火鍋」！雞煲未嚟之前因爲大家都好肚餓，就叫左兩個小食，「拍青瓜」同「炸魚皮」，個青瓜酸酸地，咸味適中，好開胃，炸魚皮唔似出面街買嗰啲咁硬，就咁食已經好鬆化之後到主角雞煲，因為我地幾個都食得辣，所以嗌左個中辣，雞好入味，又好滑，一啲都唔「鞋」，之後仲嗌左啲配料，豬肉，冰豆腐，窩筍片，蝦肉水餃，雜菜籃，響鈴⋯⋯⋯⋯冰豆腐係呢度出名嘅，浸完個雞煲索曬啲湯汁真係好好味，我一個人都食左一碟，個窩筍滾完之後口感仲好爽，好fresh ～～～蝦餃嘅涵好足料，響鈴唔係一浸就「林」曬，浸左幾下先食都仲好脆，大家都好滿足，飽到捧住個肚走，值得再encore ！