知粥嘗樂 (已結業)

可能我夜晚入去食粥，所以粥舖無乜人。今晚要去炮台山返學，我對呢個地方唔熟，上網見食評推介呢間食店，就去試下！我點左一碗皮蛋艇仔粥同一碟炸両。先講碗粥，真係足料炮製，碎牛比我預期多，而且成碗都係配料，好豐富！再講炸両，我以為即叫即整，點知都係預先製作，沒有驚喜，不過都幾好食！員工方面，態度都唔錯，有住婆婆應該係熟客，雖然佢講o既唔係廣東話，係福建話，唔係每個員工都聽得明，但係每位員工都對佢好好，又俾水佢，總之婆婆想要乜野，員工都會盡量俾。呢d就係呢間餐廳有，大部份香港餐廳所欠缺的人情味啦！