影片
更多
2021-10-01
43 瀏覽
久違嘅烤魚夜 咁啱今日喺附近做嘢 睇到呢度有得食烤魚 收工即嚟食😍😍舖頭唔算特別大但有好多卡位 坐得都OK舒服 原來除咗烤魚都有好多其他選擇 所以除咗食烤魚都有試吓其他嘢😆香辣泡椒味烤魚標明採用嫩滑少骨江團魚 上到嚟個樣都真係幾足料 望落好有食慾 我哋將啲辣椒撥落啲湯度等啲辣椒出味 小麻小辣剛剛好 因為越滾味道越濃郁 條魚好少骨啲肉厚實 可以成塊脫落 大啖大啖食肉 好爽🥰🥰開頭條魚未浸到啲湯嘅時候會比較乾身同埋有少少腥味 建議大家拆咗啲肉可以浸下啲湯 滾一下再食 咁樣啲肉就更加入味同埋軟嫩😉😉除咗魚 入邊都有好多娃娃菜芽菜 索佐啲湯再食都唔錯 除咗呢個 我哋都叫咗個輔菜盛盒包括有土豆蓮藕腐竹海帶金菇 味道都ok蒜燒茄子燒茄子幾香 蒜味濃 味道都唔錯 不過就多咗少少油🥲蒜香黃金皮蛋比較少食黃金皮蛋 味道同普通皮蛋差唔多 比較特別係個蛋黃好似流心咁🤣蘆筍雞中翼剔咗骨可以一啖食一隻 啖啖肉加上啲蔬菜中和返個味道幾唔錯泰北黑毛豬串豬肉肥瘦適中 肉質Juice唔會好鞋串燒拼盤細包括有豬柳串雞肉串 魷魚鬚同埋韭菜 食物都新鮮 味道正正常常signature水果茶有成800ml 🤣拎上嚟嘅時候好壯
久違嘅烤魚夜 咁啱今日喺附近做嘢 睇到呢度有得食烤魚 收工即嚟食😍😍
舖頭唔算特別大但有好多卡位 坐得都OK舒服 原來除咗烤魚都有好多其他選擇 所以除咗食烤魚都有試吓其他嘢😆
香辣泡椒味烤魚
標明採用嫩滑少骨江團魚 上到嚟個樣都真係幾足料 望落好有食慾 我哋將啲辣椒撥落啲湯度等啲辣椒出味 小麻小辣剛剛好 因為越滾味道越濃郁 條魚好少骨啲肉厚實 可以成塊脫落 大啖大啖食肉 好爽🥰🥰
開頭條魚未浸到啲湯嘅時候會比較乾身同埋有少少腥味 建議大家拆咗啲肉可以浸下啲湯 滾一下再食 咁樣啲肉就更加入味同埋軟嫩😉😉
除咗魚 入邊都有好多娃娃菜芽菜 索佐啲湯再食都唔錯 除咗呢個 我哋都叫咗個輔菜盛盒包括有土豆蓮藕腐竹海帶金菇 味道都ok
蒜燒茄子
燒茄子幾香 蒜味濃 味道都唔錯 不過就多咗少少油🥲
蒜香黃金皮蛋
比較少食黃金皮蛋 味道同普通皮蛋差唔多 比較特別係個蛋黃好似流心咁🤣
蘆筍雞中翼
剔咗骨可以一啖食一隻 啖啖肉加上啲蔬菜中和返個味道幾唔錯
泰北黑毛豬串
豬肉肥瘦適中 肉質Juice唔會好鞋
串燒拼盤細
包括有豬柳串雞肉串 魷魚鬚同埋韭菜 食物都新鮮 味道正正常常
signature水果茶
有成800ml 🤣拎上嚟嘅時候好壯觀 而且好抵飲 入邊有橙 青檸 百香果 蘋果 薄荷葉 話梅 篤碎啲水果飲更好味😝
呢間嘅烤魚味道都算不錯而且選擇都幾多 下次嚟呢頭都會再幫襯
張貼
