滑嘟嘟

營業中

休息中

今次路過大埔街市，順手買「滑嘟嘟」嘅糍粑嚟食。客家糍粑（3個，$18）3舊都一樣餡：花生溝黑芝麻餡，少甜。每一舊糍粑都好大舊好飽滿，可以話係塞到實一實，緊一緊。拎上手直頭係太多餡有種下垂嘅重力。所以食3舊已經好飽肚。咬一小啖，入面嘅餡就好似決堤咁，流出嚟。入面嘅餡並唔係流質或水狀，只係好細粒好碎，所以係漏出嚟！d餡咁細粒撈得非常均勻，每日啖都好多種唔同味出嚟。值得一提嘅係，佢入面同時有黑芝麻同白芝麻，黑白芝麻溝埋個味非常香口。