爆丼屋 (已搬遷) 新店位置

爆丼屋終於開分店。一向去開旺角都人流不絕。家下開咗間分店喺東九龍大型商場位置。平日去到唔駛等位。😌自己scan qr code落order。衛生又環保。👍 落完order好快麵豉湯就上先。依然勁多配料好足料。六重相撲爆盛丼。有三文魚籽左口魚邊牛油果海膽蟹肉黑魚籽。左口魚邊燒完勁香魚油味同好爽口。三文魚籽咸度剛剛好。牛油果有三文魚嘅效果。😆鵝肝海鮮盛丼。有帆立貝鵝肝三文魚籽黑魚籽海膽。呢個係其中一個經常叫嘅丼。因為佢啲帆立貝同鵝肝油香真係好吸引。帆立貝依然大大粒。鵝肝都大大舊啲油勁香。😋