影片
更多
2023-01-06
551 瀏覽
朋友話佢公司附近有間食崩沙腩好正又抵食嘅店舖，行開果頭當然要去試下喇😋🥢秘製牛三寶河＄50一次過滿足哂三個願望嘅牛三寶有牛腩、牛肚及牛筋，牛腩香牛味，軟硬適中，金錢肚爽彈，牛筋軟腍得黎又Q彈，牛腩、牛肚及牛筋都好入味；湯頭唔會因為腩汁而好多油浮面；餸多粉麵又多🥢爽脆墨魚鬚河＄40爽滑彈牙得嚟又容易咬開，湯頭唔會太濃味，帶少少麻油香，突出咗墨魚鬚嘅鮮味，而且仲有7嚿咁多，自己買墨魚鬚都唔平🥢蠔仔肉碎泡飯＄50蠔仔細細粒但係脹卜卜而且份量多，肉碎唔肥，湯頭清香得黎有炸蒜味同埋淡淡嘅薑味，食哂成碗飯及連湯飲埋，都唔會覺得口渴，無味精嘅見證🥢酥炸魚皮＄20袋裝上乾淨企理，會畀個碟你自己倒出來食，並附上高湯，脆卜卜食又得，浸腍少少食又得，唔同風味加配油菜及飲品🥢油菜＄12當日有生菜、菜心及芥蘭可供選擇，粉麵舖黎計算多選擇，因為通常都係得一款☕冷熱飲品＄8熱檸茶有成4片檸檬，夠哂檸味店舖走健康原味道路線，唔會添加太多調味料，食得出本身食材應有嘅原味道，而且食完唔會覺得口渴及肥膩感本身黎想食崩沙腩，因為50蚊碗咋…好抵呀，不過可能因為太晏嘅關係賣哂，不過都無所謂喇，今次食嘅所有嘢都唔錯，性價比都幾高
🥢秘製牛三寶河＄50
一次過滿足哂三個願望嘅牛三寶有牛腩、牛肚及牛筋，牛腩香牛味，軟硬適中，金錢肚爽彈，牛筋軟腍得黎又Q彈，牛腩、牛肚及牛筋都好入味；湯頭唔會因為腩汁而好多油浮面；餸多粉麵又多
🥢爽脆墨魚鬚河＄40
爽滑彈牙得嚟又容易咬開，湯頭唔會太濃味，帶少少麻油香，突出咗墨魚鬚嘅鮮味，而且仲有7嚿咁多，自己買墨魚鬚都唔平
🥢蠔仔肉碎泡飯＄50
蠔仔細細粒但係脹卜卜而且份量多，肉碎唔肥，湯頭清香得黎有炸蒜味同埋淡淡嘅薑味，食哂成碗飯及連湯飲埋，都唔會覺得口渴，無味精嘅見證
🥢酥炸魚皮＄20
袋裝上乾淨企理，會畀個碟你自己倒出來食，並附上高湯，脆卜卜食又得，浸腍少少食又得，唔同風味
加配油菜及飲品
🥢油菜＄12
當日有生菜、菜心及芥蘭可供選擇，粉麵舖黎計算多選擇，因為通常都係得一款
☕冷熱飲品＄8
熱檸茶有成4片檸檬，夠哂檸味
店舖走健康原味道路線，唔會添加太多調味料，食得出本身食材應有嘅原味道，而且食完唔會覺得口渴及肥膩感本身黎想食崩沙腩，因為50蚊碗咋…好抵呀，不過可能因為太晏嘅關係賣哂，不過都無所謂喇，今次食嘅所有嘢都唔錯，性價比都幾高，下次早啲去，一定要試崩沙腩同埋招牌八寶
魚堅總評
性價比 4.5👍
(以5👍為滿分)
張貼
