四季文昌 (已結業)

之前都聽過四季文昌，咁岩屋企人生日食飯，家姐就提議左黎呢到食。入面裝潢都好用心，保持返中國風同文青風。臨近新年，當然唔少得新年紅噹噹既裝飾。個煲底仲好貼心咁寫晒煮幾耐就熟，唔怕煮到老。好足料既椰子鍋，聞到好香既椰香味大蝦豬肉餃子同文昌雞，餃子皮嫩肉香，而且都幾大粒下，放落唔同味都別有一番風味。而文昌雞雞肉都幾嫩，不過一定要點醬料，就更加滋味。臘味芋頭煲仔飯聽講係到招牌菜，食之前一定要搞淆成個飯，唔係食唔到啲飯焦就無左種香味，脆脆地，而且肉好好口味，而芋頭仲超好食，唔錯唔錯。