滿堂樂滬京風味 (已搬遷) 新店位置

呢間米芝蓮必比登推介嘅舖頭就係屋企對面，其實佢開左咗廿幾年，我都唔係食咗好多次而且講真已經好耐冇食啦。今日晏晝去買咗個粢飯，要咗少飯，但係料係冇少到嘅，除咗榨菜之外，阿姐畀咗兩大羹嘅肉鬆，完全係爆餡。味道嚟講係唔錯嘅，糯米亦都唔會煮得太爛，但係油炸鬼就係淋曬嘅，呢個位絕對係扣咗分，如果油炸鬼係脆嘅話就完美喇。26蚊嚟講一個粢飯，聽落好似有啲貴，但係一個粢飯又可以當一個午餐，咁26蚊又好似幾抵食。住附近就食下啦，但係你話值唔值得專登過嚟食佢個粢飯，我又覺得未有好食到呢個地步。一個人食，所以食唔落鹹豆漿，下次先至再試啦。