發哥粥底海鮮火鍋 (已結業)

如果有朋友生日月嚟食會有優惠，五位或以上客人(包括當月生日客人)就可以有一位免費，咁啱我哋有朋友9月份生日，一行6人所以就有一位免費，而粥底火鍋主要分三款餐，龍蝦餐$288，海蟹餐$248，大胃王餐$438，每個餐都會有特定嘅魚蝦蟹海鮮一盤，再另喺火鍋配料選八款食物，食物種類都算係ok，海鮮唔錯幾新鮮，所以味道好鮮甜，而其他食物就普通未見驚喜，粥底煲完當然就緊係鮮甜，主要係蟹味，好似食蟹粥咁正，服務員服務亦唔錯，如果想食得多港式火鍋想轉下口味，呢間粥底火鍋算係一個唔錯選擇。