澳門台山水佬榮火鍋專家 (已結業)

得知水佬榮喺香港開分店, 我同史生都未試過澳門水佬榮, 所以決定試吓.星期日我喺佐敦番學, 史生訂定8點鐘位, 我一放學就九秒九跑去水佬榮, 3至5樓都係水佬榮o既, 我估5樓係VIP房, 我哋就坐4樓.因為我唔係特別鍾意食蟹, 所以叫咗個花蛤煲小辣, 個煲好多料, 除咗有好多花蛤之外, 仲有好多雜菌、芫茜、蔥同西芹等, 好豐富, 個湯底好濃郁, 辣味來自胡椒, 我同史生都覺得如果唔要辣個湯會更加清甜. 侍應提我哋要先食花蛤先, 因為花蛤滾太耐會老, 所以我哋不停口咁食, 花蛤數量都幾多, 但我本人較鍾意食花蛤皇, 所以覺得呢度o既花蛤唔夠大隻, 但勝在夠新鮮.食晒花蛤之後, 就開始打邊爐啦! 叫咗我最愛貴花蚌, 好厚肉而且唔會梅, 好鮮甜好好味呀! 金菇都好新鮮, 不過份量少啲, 預咗啦! 萵荀都好新鮮, 厚度適中, 灼大概3分鐘就又爽又脆, 好味! 我冇食魚蛋, 因為呢樣係史生最愛, 我冇問佢好唔好味, 但睇個樣都幾彈牙o既!最後有一盤西洋菜, 新鮮而且唔會太粗所以唔會老, 灼完索晒啲湯真係好好味呀!呢度有露台, 可以行出去呼吸一下新鮮空氣, 望住佐敦道車來人往, 真係幾寫意架!