蛇王二 (已結業)

以前細個冬天好凍，爸爸媽媽都會帶我去食蛇羹，不過大個咗之後就好少再去。今日一個人行過呢一間鋪頭，突然間好想重拾兒時嗰種味道，於是就走咗入去叫咗一碗蛇羹做晚餐。不愧為老店，蛇羹好多料，唔會好杰好似好多豆分咁，而且都幾夠薑絲，肉亦都夠實夠爽，最緊要夠熱，我最鍾意就加到成碗都係脆脆，再加埋胡椒粉就超正，超勁胡椒味。整體嚟講味道唔錯，值得一試。