2021-11-06
98 瀏覽
天氣凍凍地,又係食蛇羹嘅好時機🤓呢一間嘅老字號,喺銅鑼灣開咗新鋪🥳食到一半更加有人喺出邊排隊等位,非常高人氣🔥蛇羹非常足料,除咗有蛇肉之外,仲有冬菇,豬肉絲,同埋火腿。食落去口感好正,冬天食一碗,真係好滋味👍上邊仲有少少香葉可以提升香味,一啲都唔會有腥味❤佢哋嘅糯米飯,同樣好唔錯,米飯煙韌,啱晒個人口味,唔會驚太過鹹,重口味~加埋花生同臘肉粒,口感好豐富🥰臘腸有分原味同潤腸,舖頭都有得買。自家製,果然特別好味。另外我哋仲叫咗兩個燉湯,🐷豬腦煲雞腳,可以養顏更加可以滋潤,飲落去好清甜好足料😙
張貼