你妳 (運通洋樓) (已結業)

今日食台灣菜，叫左個芝士玉米蛋餅，蛋餅好足料都好夠味，好有地道台灣風味! 夜市鹽酥拼盤其實都幾抵食，入面有鹽酥雞，蝦卷，甜不辣，四季豆。個人覺得甜不辣最好食! 鹽酥雞係做到一口size，食落好方便。台灣士林香腸最特別係佢個醬，重蒜！乾拌面有少少豆辨醬係面，食落少少辣，仲有隻溏心蛋。滷肉飯原來都幾大碗，本身仲以為係細細碗個D，肉燥既肉係細細粒，唔洗點咬咁就可以直接撈飯食。野飲方面，叫左杯炭培烏龍珍珠奶茶，茶底幾濃。芋泥,珍珠小芋圓好重芋頭味，仲係可以咬到一啖啖既芋頭蓉，好飽肚。