漁一海鮮火鍋料理 (已搬遷) 新店位置

打邊爐係一年四季都合適既活動，今日黎到漁一打邊爐，當然要食返最招牌既漁一花甲蟹皇鍋。湯底好足料，各式海鮮俱全，份量慷慨。蟹膏香濃，蟹肉豐腴，味道鮮甜。湯底微酸，同海鮮二合為一，開胃之餘，又帶出左海鮮既鮮味。手切肥牛肉質鮮嫩，牛肉味十足。不得不提牛胸爽，輕輕一淥就食得，油香滿溢。四寶丸每一個款式都各有特色，內藏唔同既餡料，例如芝士，酒，蕃茄等等，同丸類竟然出奇地夾，唔會有九唔搭八既感覺，仲好好食！打邊爐當然唔少得蔗汁，清熱解渴。呢度仲有海膽刺身食，價錢合理，但都新鮮既。