樂湯雞麵館 (登龍街) (已結業)

前排有啲著迷於雞湯米線/麵，經朋友介紹可一試銅鑼灣嘅樂湯雞麵館～今日同屋企人分別嗌咗兩款刀削麵 海蜇手撕雞 加兩杯豆漿本身以為係11:45開門 點知原來係12點 所以係附近徘徊咗陣 到11:55員工開門 佢哋好客氣招呼我哋先入去 態度分Up Up Up涼拌海蜇手撕雞先上，雞絲、海蜇、紅蘿蔔絲同青瓜絲比例啱啱好麻油味很香，味道調得剛剛好～ 啲雞絲仲幾滑添！雖然$58唔算平，但都值得一試～兩碗刀削麵的份量同用料對得上價錢，上枱時滾熱辣，如果係天氣比較涼去食的話會非常暖胃呢間的雞湯有濃濃的金華火腿味，但個人覺得有啲太重，蓋過咗雞味 ⋯⋯屋企人嗌咗花膠雞湯翅加鮑魚，花膠同翅的份量都唔少，雞就剛好俾到雞髀位，肉質嫩滑～花膠大大舊，夠入味的！可惜我叫的花膠雞麵的雞（雞胸位）都幾鞋，有啲扣分另外可能刀削麵比較厚身，未有好好吸收到個湯，食落唔夠味⋯⋯ 下次可能叫米粉米線會好啲