歐意餐廳 (已結業)

今日黎上水行街，經過見到一間餐廳門外大排長龍。我同朋友見餐牌上食物款式幾吸引，意粉，焗飯，鐵板餐乜都有，價錢又算幾親民，一於就入去試下啦😆呢度最受歡迎應該就係鐵板餐👏🏻我見到幾乎枱枱都有人嗌～而且份量望落去都幾大份喎🤤熱辣辣既天氣點少得凍冰冰既奶茶！珍寶雜扒餐($82)呢個餐有齊豬扒，雞扒，牛扒同埋法蘭克福腸，非常豐富，而且有燒汁，蒜蓉汁，任君選擇。今次就試左燒汁，醬汁味道香濃惹味，同肉類好夾👏🏻而且份量係超級多，兩個人happy share都不成問題。個人最鐘意食牛扒，雖然熟左小小，但肉質軟稔，味道不錯。芝士焗玻璃蕃茄豚肉飯($58)賣相不錯，食落去啖啖芝味，配上蕃茄夠曬開胃。食物款式多，味道不錯，難怪成日都大排長龍啦😆