滾得棧

營業中

休息中

滾得棧一直係我最愛邊爐排名頭幾位，雖然係價錢係中高價位置，但你食過就覺得超正！先講湯底，我食過花膠湯底以及最新出品雞煲翅，湯底一到，我地必定飲佢兩碗湯先，火候夠又真材實料！雞煲翅真係一梳梳翅架！食物方面，手切肥牛係不得不叫的！你地睇下d雪花先！我每次叫都覺得好多，但每次都清曬！其次就要食呢個蚌，爽脆鮮味，個人認為好食過象拔蚌！當然象拔蚌都鮮味，輕輕喺鍋度拖一拖就點wasabi食，別有一番風味！手打四寶丸都係不可忽視的！我個人最愛蝦丸，真係見到全隻蝦喺粒丸度，食落爽口彈牙！不過價錢的確較高，大時大節食係唔錯的，但記得book位，試過無位等好耐，咩引都無曬！