媽咪雞蛋仔

營業中

休息中

每次經過尖沙咀都排晒長龍，今日係元朗行開街見到唔係太多人即刻幫趁下先。抹茶控首選。抹茶紅豆雞蛋仔配宇治抹茶紅豆牛乳冰。每一粒都有好多餡料。甘香嘅抹茶味同紅豆果然係最夾。紅豆味道唔太甜，唔會搶走抹茶嘅味道。再飲啖宇治抹茶紅豆牛乳冰，成個口腔都係抹茶味。滿足晒抹茶控嘅我呀。家人揀左芝士雞蛋仔配凍港式奶茶。芝士味鹹香十足，最重要係雞蛋仔烘得好香脆。想試鹹味嘅推介大家試呢款。港式奶茶亦十分有誠意，茶味香濃。