新記煲仔雞粥 (已結業)

元朗美食多籮籮，天氣涼涼地想食粥暖下胃，今次就試吓新記煲仔雞粥，呢度既舖面唔算大，但都有唔少既捧場客今次叫咗貴妃雞蠔仔粥，非常有驚喜，份量足料，雞件咸香嫩滑，蠔仔鮮甜，粥底亦相當鮮甜冇味精熱賣既酥炸魷魚鬚果然冇令人失望，魷魚鬚份量算多，而外皮既漿粉岩岩好唔會太重，魷魚肉質彈牙新鮮，用黎送粥簡直一流火腿炒米粉炒得乾身唔會太濕，米粉偏幼身而軟硬度適中，配料多每一啖都會食到，夠入味叉燒腸粉餡料多而入味，腸粉皮唔會太厚，如果滑啲會更加好味😉呢間餐廳大部分人食完相信都會返轉頭，價格合理得黎選擇多元化，除左粥品亦可以選擇香口既小菜配搭，值得推介