阿里山台式美人鍋 (已結業)

最近天氣轉凍，所以就約左個朋友黎打邊爐。平時成日食得多麻辣火鍋，見到呢間有養生鍋就想黎食啦！一坐低職員就好親切咁比醬料我地撈，然後我地都好快就簡好湯底：桃膠美人鍋同埋酸菜白肉鍋。桃膠美人鍋係好滋補嘅感覺，有淡淡藥材味，好似老火湯感，仲要有原隻烏雞，夠肉地同嫩，有驚喜！酸菜白肉鍋係偏酸嘅，所以食落就好開胃，同埋本身鍋嘅配料都好多，好夠味。因為得兩個人，所以唔係叫左好多野。火鍋配料有南海貴妃蚌、蘇格蘭聖子、安格斯肉眼肥牛、墨魚丸、薯粉、生菜。海鮮夠鮮味，牛重肉味嘅而且算大碟、墨魚丸夠彈牙、火鍋配料都新鮮，所以加埋感補身嘅湯底就十分之滿足，建議大家點都加個薯粉結尾吸哂精華真係好正