聚寶食軒

營業中

休息中

💨天氣開始涼涼地，係時候去食下羊腩煲。🔥脆皮BB鴿:雖然係BB鴿但每件都好厚肉，乳鴿皮脆肉嫩肉汁非常豐富，淨食唔點任何調味料都已經好足夠。❤️🔥豉油王炒鵝腸: 鵝腸好肥美，腸皮爽口有彈性，鵝腸充滿豉油的香味，而且鵝腸唔會切到好碎，好有𡁻口。🔥羊腩煲:本身太大煲叫左個細既，點知原來細煲都好多，羊腩多到密密麻麻，仲有最愛既枝竹同馬蹄，羊腩好入味肉質好夠淋，皮都幾彈牙好易咬開。👍🔥紅糖糍粑:每間鋪頭既做法有所不同，呢間既紅糖糍粑好軟糯，食落有小小黏口但味落係煙韌，紅糖部分甜度適中唔算好甜。👍🔥整體來說食物質素不錯，仲有驚喜。