江山笑 (已結業)

今個月有花紅分, 同幾個同事決定黎個「鮑翅餐」豪一豪佢 - 春菊紅燒翅：雖則做緊半價ｐｒｏｍｏ，但材料依然十足，真係抵食，配春菊一齊食好爽口- 鮑魚獅子頭：一大舊鮑魚+一大舊肉，肉質鬆軟無乜肥肉，仲諗住會好"漏"添，若然多2條菜就更好喇- 雞泡魚干：甜甜地口感有ｄ似豬肉干，但又無豬肉干個種肥膩感，做送酒小食一流- 蒜泥白肉：另一個送酒小食，但唔夠辣，連一個唔食辣既人都食到- 雪菜肉絲炒年糕：好多料，但年糕略為"煙銀"咗少少，上枱時熱辣辣仲好香，經理話係新鮮即炒所以耐咗少少仲有甜品送，服務都唔錯，招呼周到，但略嫌同隔離枱太過親近。臨走聽到隔離枱話ｄ燉湯唔錯喎，下次一定要試下先。