圓圓小姐 (快樂大廈)

營業中

休息中

今日約左朋友出銅鑼灣食lunch，食完想買杯野飲，行過利園山道見倒有幾間茶飲店，而圓圓小姐係當中最多人幫趁，應該冇伏，一於試下。圓圓小姐的茶飲都幾多選擇，黑糖珍奶、鮮果、芝士茶、奶茶、鮮奶茶和雪沙都有，除左鮮果系列價錢較貴外，大部份都在$30內。草莓優酪晶球($42)頂層紅色的是草莓，中間白色是乳酪，底層是啫哩。朋友點了半糖，甜度剛剛好，草莓和乳酪味道好夾，啫哩煙煙韌韌。芝士石榴果粒葡萄($44)這杯我點了少糖，因為石榴帶點酸甜味，所以飲落不會覺得過甜，芝士是我喜歡的鹹味芝士，下面有超多石榴超足料，石榴可以食埋，口感脆卜卜咁。