大食代 (奧海城二期)

營業中

休息中

平日好少去奧海城，總感覺唔係太多野行同睇。難得有機會去奧海城，自然想係附近地方搵野食。之前經過知道呢到都有food court，一於入去睇下有咩揀。鰻魚雞扒蛋包飯其實都幾足料，一大碟有齊沙律、照燒雞扒、蛋包飯。沙律口感開胃清爽，唔會有苦澀問題。沙律醬作少量調味，配上蕃茄仔同粟米粒等感覺幾新鮮健康。蛋包飯份量頗多，對女仔而言會食到好飽。蛋皮較薄，比較遜色，但優點係雞蛋製作得頗滑溜，有少量蛋汁，唔至於太乾身。燒雞好香，表面帶微微焦脆感，肉質滑溜不鞋口。food court做到呢種質素真係令我幾驚喜。鰻魚無點食到魚骨，唔算太大塊，但口感都不俗。肉質尚算綿軟，如果可以再肥美一點會更好，醬汁入味。紅豆冰好重椰香味，紅豆份量好多。但嫌冰量太多，紅豆冰飲幾啖就無哂。