鳳城酒家 (已結業)

假日要慢活，所以就出去飲下茶食下包慢慢嘆，食厭左大集團既茶樓，係需要幫襯下保留返自己特色既酒樓。呢度點心選擇唔算多，但勝在質素還在。呢籠蝦餃粒粒都係咁豐滿，餃皮軟淋淋唔厚皮，仲有餡料爆多，有最少兩隻蝦，而且係幾彈牙，高質既蝦餃。特別既仲有連蓉包，包皮都係偏向鬆軟，連蓉味係正常甜味，唔算好甜，甜度合理，而特別在連蓉餡裡面係有蛋黃架，感覺完全係食緊月餅咁，都幾過癮。