芋圓一 (已結業)

三人行喺旺角食完晚飯，意猶未盡，專登行過大角咀食甜品。三個人，叫咗三碗甜品。首先要讚下個賣相，真係同 menu 上面嘅相片一模一樣，絕對符合商品說明條例😆。其次要讚嘅就係個份量，超大，勁足料。鎮店之寶嘅傳統仙草芋圓好豐富，當中嘅手工芋圓 Q 彈有咬口，四種口味（芋頭，紫薯，地瓜，南瓜）以地瓜同紫薯較為突出，再配埋仙草，紅豆，薏米，白玉同黑糖珍珠等配料，唔同口感及甜度嘅食材互相補足，好食👍。芋香仙草芋圓同傳統仙草芋圓差唔多，只係少咗紅豆，再加返個芋香汁，我就覺得傳統嘅黑糖汁好食啲，芋香汁食食下會覺得有啲膩。至於愛文芒甘露就正常水準。