豊勝手丼 (已搬遷) 新店位置

豊勝手丼 鋪頭細細間唔顯眼，鋪內只有幾張細枱一眼望晒。兩點半來到竟然包場，同服務員距離好近，所以招呼特別周到。丼飯專門店梗係要食丼。我揀左北海蟹丼，懶人食蟹必點。唔講材料價錢，淨係拆蟹肉既功夫已經值回票價。松葉蟹丼 有蟹肉蟹膏，兩隻蟹腳，兩隻鉗，仲有蟹籽，真係食到盡。蟹肉既份量雖然唔算多，但食到本身濃郁既蟹味。蟹膏份量反宜好足料，幾鹹，足夠伴半碗飯。蟹籽都俾得好多，三樣料加埋一齊配飯，又食到蟹籽脆卜卜既口感，又有蟹肉蟹膏既鹹鮮味。加少少wasabi已經好好食。套餐仲有沙律，面鼓湯，同糖心蛋。蛋有流心，但唔夠醬油味，只有蛋黃的甜味。