影片
更多
2017-09-22
12 瀏覽
大家在旺角食開甜品、都會知有條好出名既街叫「黑布街」。今次我要食既係「白布街」既雪糕專門店，以為同黑布街好近啦，點知又難行又難搵….四周圍仲搭滿左棚架添。如果唔係朋友識用google map,肯定搵十世都未搵到。平時大家又會用幾銀食一個雪糕呢？食慣快餐店十幾蚊?定G牌朱古力45蚊?如果話你知呢間專門店一個造型雪糕要50幾至80幾不等，唔知大家又覺得抵唔抵呢？入到去無咩人，只有一枱客。而且冷氣亦有丁點不足，不過d壁畫又真係幾靚、充滿美國漫畫feel!原來呢度係限「一人一Order」…你味話，咁樣都幾高消費架。朋友話想去洗手間，點知度門打極都打唔開、好似有人在入面。但過左成十分鐘都未見有人行出黎，我再去開門，廁所居然係無人…..坐低當然一食就要食招牌菜-七成熟牛扒雪糕。一上枱果種震撼感覺係~嘩嘩嘩!因為乾冰所製造的白煙真係好逼真，立即攞起手機拍片！但細心諗下，食牛扒果陣要淋左汁先有煙架bo~無醬又何來有煙呢？！唔講賣相啦，賣相已經100分~轉講下食落有咩咁特別。牛扒切落去唔會太硬咬唔開，亦都唔會太淋好易溶曬。我食左一兩啖，雪糕既朱古力味應該是中價貸色、不至於有Belgium chocola
今次我要食既係「白布街」既雪糕專門店，以為同黑布街好近啦，點知又難行又難搵….四周圍仲搭滿左棚架添。如果唔係朋友識用google map,肯定搵十世都未搵到。
平時大家又會用幾銀食一個雪糕呢？食慣快餐店十幾蚊?定G牌朱古力45蚊?如果話你知呢間專門店一個造型雪糕要50幾至80幾不等，唔知大家又覺得抵唔抵呢？
入到去無咩人，只有一枱客。而且冷氣亦有丁點不足，不過d壁畫又真係幾靚、充滿美國漫畫feel!原來呢度係限「一人一Order」…你味話，咁樣都幾高消費架。
朋友話想去洗手間，點知度門打極都打唔開、好似有人在入面。但過左成十分鐘都未見有人行出黎，我再去開門，廁所居然係無人…..
坐低當然一食就要食招牌菜-七成熟牛扒雪糕。一上枱果種震撼感覺係~嘩嘩嘩!因為乾冰所製造的白煙真係好逼真，立即攞起手機拍片！但細心諗下，食牛扒果陣要淋左汁先有煙架bo~無醬又何來有煙呢？！
七成熟牛扒
3 瀏覽
0 讚好
0 留言
唔講賣相啦，賣相已經100分~轉講下食落有咩咁特別。牛扒切落去唔會太硬咬唔開，亦都唔會太淋好易溶曬。我食左一兩啖，雪糕既朱古力味應該是中價貸色、不至於有Belgium chocolate咁香濃、所以印象唔深刻。食到中段先有士多啤梨味雪糕，唔好同我講係扮緊未熟既部分。哈哈，7成邊有咁多粉紅色呀?5成就有！味道同樣唔算出眾，幸好無同朱古力味道mix up左。
食完件扒我都知賴賴地野架啦，再食其他野可能雪糕會無咩味。點知，神奇既事發生左啦！個扮薯餅西多真係出奇地好食!既然放喺雪糕傍邊都唔會擺到熱野，因為會整溶雪糕 。但係凍既小西多依然好食，整塊充滿蛋香，入面係花生醬，每一啖都非常香濃。配一口雪糕一齊食、尤其是係士多啤梨味、酸酸地都唔錯。
好似係腸粉
2 瀏覽
0 讚好
0 留言
另一個粉腸就有點失望，有炸紅豆丸、菠羅、士多啤梨同類似jelly的腸粉。中間個雪糕球就好似偏離左個主題….根本唔知係模仿緊咩造型！中間個味都有d confuse…我朋友一食就話個vanilla ice cream 幾好食…但我話根本就係豆腐雪糕。佢比較失色既原因係佢唔似其他款式用雪糕黎扮食物，而係就咁加球雪糕在中間。影相既時候靚，不過就失去左原意。
張貼
