Fun Fun 串串鍋 (已結業)

最近喺內地好興食串串鍋，見今期咁受歡迎，我同朋友都諗住趁依個熱潮試吓，咁就揀咗一個位置比較方便嘅地方黎試吓店舖唔算好大，上到去已經坐滿晒人，因為我哋都未食過串串鍋，驚會太辣所以就揀咗個鴛鴦鍋之後就急不及待去咗揀串串食啦，見到都幾多選擇，肉類同菜類嘅選擇都好多麻辣嗰邊一開始食唔算好難，但食食吓就越嚟越出味啦，辣嗰邊最啱就係用嚟煮肉類食，貪佢夠惹味，除咗一般嘅豬肉牛肉雞肉之外，佢亦都有少少海鮮，就好似八爪魚仔咁，食落好入味有啲牛肉或者魚類嘅食物，就要另外用紙仔落，保持到佢新鮮素類同菜類我哋就會選擇放喺另一邊唔辣嘅湯底，佢呢度有鮮腐皮，木耳等，食完辣嗰邊嘅火鍋，再食返清淡啲嘅菜，感覺會健康啲