Billy Boozer

營業中

休息中

雖然呢度係酒吧， 但絕對係有茶記未到嘅吧。 每次到浸會大學都會好想去呢度食， 因為除咗性價比高之外， 仲要享受獨一無二嘅fusion感覺。 今日同朋友夜晚喺九龍塘附近搵嘢食， 諗起又一城啲嘢就真係覺得悶， 於是就行咗過嚟呢邊食。 一入到去酒吧侍應就好好咁攞咗兩碗例湯過嚟， 放低餐牌在等一陣先叫我哋去落單， 呢度除咗有酒吧不嬲都有得食嘅西式嘅之外， 仲有中式嘢， 襯返個中湯。 不過我哋今日都係食返西式扒， 我叫咗個羊髀 都做得幾脆， 生熟度啱啱好， 朋友就叫咗個炸魚薯條， 有兩大條嘅炸魚喺上面， 食完真係飽到上心口。