日泰郎放題料理 (已結業)

 今日同朋友行完街，去左呢間野食放題，入到去座低侍應介紹有分兩個價錢，當然收貴啲多啲野食啦，我地揀左個$209/位的，有多左好大隻既刺身蝦食，仲有泰式皇帝蟹，火鍋，仲有幾樣唔係太記得，因為我地係因為大隻刺身蝦同泰式皇帝蟹而轉，其他唔重要，先講食物，當然係隻大刺身蝦好食啦，其他刺身正常水準，無驚喜亦無失望，比較好食有泰式炒蜆，無沙，惹味，泰式皇帝蟹亦好惹味，炸天婦羅粉唔厚夠脆身，秋刀魚亦燒得很不錯，其他野食正常水準，所以無影相，呢度仲有飯後甜品送，呢樣反而有驚喜，啲甜品賣相ok之餘仲要食得下，侍應服務方面都算有禮貌，總括黎講整體合格，以食材質素評論呢個價錢算便宜