Mr. Right (已結業)

路過見到依間餐廳嘅裝修幾靚，所以入去試吓先，叫咗一個二人套餐，頭盤係哈密瓜Parma ham，份量幾大舊，哈密瓜非常甜，配合巴馬火腿非常一流！黑松露忌廉野菌湯，非常濃郁嘅黑松露味，又食到有野菌粒，推介之一嘅湯，主菜係北海道帶子南瓜意大利，可能我本人非常鍾意南瓜，所以覺得非常好味，意大利飯煮得恰當，唔硬吾軟身，帶子微微煎香，帶子肉仲係透明色，正，質感非常軟，，燒美國豬仔骨，豬仔骨燒得香脆，醬汁酸酸甜甜幾野味，配上香脆長長嘅薯條，甜品係焦糖燉蛋配上雲呢拿雪糕非常好味，值得推介雲呢拿雪糕配上餅乾碎，出奇好有口感好似食緊澳門嘅木糠蛋糕一樣，雪糕非常有驚喜，裏邊裝修好有時代感，同埋坐落去唔會覺得迫夾！環境幾好