i kitchen (已結業)

今日過來觀塘搵朋友，佢介紹我呢間隱藏於工廈嘅西餐廳。我哋嗌咗啲海鮮、肉、小食。主菜之一：🐟三文魚籽、墨魚、野菌墨魚汁意粉。外觀已經相當吸引，最上面係燈燈嘅三文魚籽好搶眼，下面有白色嘅魷魚墊住，而最底部就係黑色嘅墨汁意粉，所以個構圖都幾靚。主菜之二：🐂澳洲榖飼牛肉眼配松露燒汁。好耐冇鋸過扒，呢塊肉眼令到我好心滿意足。一切開軟淋淋，生熟度啱啱好，咬落去煙煙韌韌又香口，加埋個松露汁就更正。小食：🐖扒德國腸拼盤。內有 巴雷特豬肉腸，維也納腸，芝士雞肉腸，蘇寶力腸。鍾意食腸嘅人一定要試，總有一款啱你😂😂甜品：🍫棉花糖朱古力。濃濃嘅朱古力奶上面佈滿面花糖，真係甜甜甜。