茶茶台式料理 (已結業)

上完堂12點，咁啱經過見到呢間台式餐廳。唔知係咪因為位置問題，見冇人食，之前個2間已經排晒隊，同埋見呢間d環境最乾淨同闊落，所以就入左嚟諗住試伏。叫左個鹽酥雞扒滷肉飯加熱無糖荔枝紅茶$58（Lunch set)。來左個碟頭飯，上面有5塊大大塊鹽酥雞，有菜有滷肉，其實賣相都唔錯。鹽酥雞真係好酥脆，雞肉都幾嫩滑。滷肉係瘦肉同咸味嘅有用八角調味，但我都係鍾意台南風味嘅甜味滷肉多啲。個荔枝紅茶好香荔枝味，飲落甜甜地但冇乜茶味，似荔枝玉露嘅味。去到1點個陣就已經全店滿座。