半路咖啡 (已結業)

2020年，所有香港人都經歷左一個永世難忘嘅復活節假期，連續四日嘅紅色假期竟然唔去旅行亦都因為疫情關係要留響屋企乖乖地。今日好想去搵間Cafe坐下，咁啱要去上環買少少嘢，就諗起呢度用既咖啡☕️每一杯都係獨一無二，最好惜係佢嘅甜點又唔係我杯茶，所以決定先去另一間鋪頭買外賣甜品再黎呢間咖啡店度坐下hea 下打下卡。諗返轉頭其實應該係唔係紅色假期呢個時勢都冇乜分別，都係會勁多人！結果被安排坐喺鋪頭出面冷行其中一張舊櫈度，其實同我買杯外賣求其搵條樓梯級坐冇咩特別🤪本身我係勁衰諗住響度食埋我啲外賣甜點㗎，因為飲咖啡襯埋啲甜點係perfect match,可惜周圍太多人好似有啲唔好意思，終於響一個唔太舒服嘅環境底下飲咗杯flat white! 雖然佢個feel都幾好嘅（懷舊復古feel），flat white不論味道同拉花都做得唔錯，可惜真係太多人，唯有下次少啲人先再黎過囉！