La Casa Bistro (已結業)

要係中上環哩個核心區揾到價錢親民又有質素既餐廳食lunch真係一d都唔容易，直到近排見倒街口新開左一間小café，菜單都幾多元化，價錢都可以接受，就決定一試。特登挑選一個星期六去食lunch, 兩個人座bar table可以望下街景，寧靜又寫意。意大利雜菜湯野箘意大利雲吞好 homemade style，雜菜湯好清新健康，無落茄醬! 飲完好有家的感覺。雲吞系芝士菠菜味，應該係自家製吧，個皮一d都唔硬，粒粒都係fingerfood size，味道剛剛好一d都唔漏。哩度都有泰式咖哩青衣魚柳，好multi-national ! 唔好以為去泰式餐館食先夠正宗好味，哩度都唔差！咖哩好香椰香味，甜甜酸酸好開胃。意大利風乾火腿火箭菜沙律系清新之選，清甜蜜瓜配濃味火腿！分量都算多，可以三個人食都得。另外café都有賣cake同小食，可惜食左個甘full既lunch set, 實在系放唔落個生果tart，希望下次再黎食啦！